طريقة قلى السمك البلطى المقرمش:
بتقلي السمك البلطي ومبيطلعش مقرمش والزيت بيتحرق مطرح القلي وبيشرب زيت منك تعالي هقولك تكاته كلها وهيطلع معاكي بلون وقرمشه بتاع المطاعم وتحدي
الطريقه 👇👇👇👇👇👇👇
هنتبل السمك عادي جدا بعد مايتغسل كويس اوي ونعمل فيه فتحات بالسكينه ونتبله بدقه توم وكمون وملح وفلفل حامي وكسبره ناشفه وكاري ولمون ونسيبه ساعتين فالتتبيله
نجهز بقي سر القرمشه
نقلب كوبايه دقيق عليها نص كوب نشا ونبهر الدقيق بمعلقه صغيره كاري وكركم وبابريكا
ونجهز طبق غويط فيه مايه 💪💪
ونجيب السمك نحطه فالدقيق ونعفره وننزل فيه بسرعه البرق في طبق المايه ونطلعه بسرعه علي زيت غزير وسخن علي نار متوسطه واقليه عادي وكلي احلي سمك بلطي بطعم وريحه ولون سمك المطاعم والف هنا💐💐
وحطي قشر لمون في زيت القلي عشان ريحه السمك