ملوخية باللحم
المقادير
كيلو ورق ملوخية خضرا
كيلو لحم شقف او بعظمو
حبة بندورة
ثوم
كزبرة خضرا
كزبرة يابسة
ملح
سمنة
طريقة التحضير
نغسل اللحم ونضعه عالنار حتى تنشف ميتو واذا في دهن لتنسلا الدهنة بعدين منزل ملعقتين سمنة ومنبلش انزل الملوخية طبعا بعد تغسيلها ونقلي الملوخية حتى تخلص الكمية بعدين منغمرها مي حتى نضمن استواء اللحم والملوخية مع بعض ومنبرش البندورة ومنهرس الثوم ومنزلهن وملح وكزبرة يابسة واخر شي منفرم كزبرة خضرا ومنزلها
ممكن نعمل تقلاية حسب الرغبة ملعقتين سمنة وثوم مقطع وملعقة صلصة بندورة وكزبرة خضرا ومنطشها عوجه الملوخية بآخر مرحلة عالغاز منتركها دقيقتين ومنطفي الغاز
ممكن نعمل جنبها رز اوخبز حسب الرغبة