كرات الدجاج بالبشاميل
المقادير
0.5 كيلو صدورة دجاج
كوب رز
0.5 ملعقة صغيرة فلفل
0.5 ملعقة صغيرة بهار
ممكن نضيف توم وبصل بودرة
معلقة صغيرة ملح
بصلة
فصين توم
كوب فطر
الصلصة:
3 ملاعق زبدة
3 ملاعق طحين
3 كوب حليب
مكعب ماجي
0.5 معلقة صغيرة فلفل
4 ملاعق بقدونس مفروم
طريقة التحضير
نفرم صدورة الدجاج مع البصلة بمحضرة الطعام او ماكينة الكبة
منطبخ كاسة الرز طبخ عادي ومنتركو ليبرد او اذا في رز قديم مطبوخ ممكن نستخدمو
منخلط صدورة الدجاج مع فصين التوم المهروسين والفلفل والبهار والملح وكاسة الرز المطبوخ ومندعكهن منيح ليختلطو كلن ببعض
منشكلن على شكل كرات بحجم وسط
ملاحظة: اذا كان الخليط مو سميك كفاية ممكن نضيف طحين او بقسماط لنقدر نشكلن كرات
منقلين بزيت على نار متوسطة ليتحمرو ومنتركهن على جنب
تحضير البشاميل: منقلي الفطر مع الزبدة
منضيف الطحين ومنقلب شوي ليصير لونو دهبي
منضيف الحليب شوي شوي مع التحريك المستمر ومنضيف الفلفل والماجي
ومنتركن على نار هادية
بس يغلي منضيف البقدونس وكرات الدجاج ومنخلين يغلو على نار هادية مدة عشر دقايق
يقدم مع رز او بطاطا بيوريه
وصحتين وألف هنا